სათავგადასავლო კლუბი "ჯომარდი"

საქართველოს სხვადასხვა კუთხეში, ქალაქებში, მთიან რეგიონებში თუ ბარად, რეგულარულად აღინიშნება ტრადიციული ქართული ფესტივალები. ისინი გაერთიანებული არიან ერთი ნიშნით: სწორედ მათი მეშვეობით მოვიდა დღემდე ქართეული სული და ტრადიცია. ტრადიციული ფესტივალების დროს ადგილობრივი მოსახლეობა, ტრადიციული სამოსით მოსილი, ქართულ ტრადიციულ ცეკვებსა და სიმღერებს ასრულებს.

თუკი თქვენი მოგზაურობა საქართველოს რეგიონებში ერთ–ერთ ასეთ ფესტივალს დაემთხვევა, ეს გამოცდილება არასოდეს დაგავიწყდებათ. ჩვენი საიტის მოცემული გვერდი ინტენსიურად ახლდება ინფორმაციით ქართული ტრადიციული ფესტივალების შესახებ.

1.საჯომარდო სეზონის დაწყება

თარიღი: 1 მაისი, 2010 წელი
ადგილმდებარეობა: მდ. არაგვი, ფასანაური

ჯომარდობის პროფესიონალებისა და მოყვარულებისათვის ეს დღე განსაკუთრებით მნიშვნელოვანია, მათ ხომ საშუალება ეძლევათ, განახორციელონ თავიანთი საყვარელი ჯომარდობა 6–თვიანი პაუხის შემდეგ (საერთოდ საჯომარდო სეზონი მთავრდება ოქტომბრის ბოლოს)!
სათავგადასავლო კლუბ „ჯომარდმა“ საჯომარდო სეზონი გახსნა მდ. არაგვზე დაშვებით ფასანაურთან. ტურის შემდეგ მონაწილეებს გაუმასპინძლდნენ ტრადიციული ქართული მწვადითა და ღვინით.

2.ტრადიციული თუშური ყველის ფესტივალი

თარიღი: 22 მაისი, 2010 წელი
ადგილმდებარეობა: ახმეტის რაიონი

თუშური ყველი ახმეტის რაიონისთვის სამარკო ნიშანია. ამ დღეს სტუმრებს შეუძლიათ, დაათვალიერონ ადგილობრივი ხელნაკეთი პროდუქტები, დააგემოვნონ ტრადიციული თუშური ყველი, მოისმინონ ტრადიციული ქართული სიმღერები.

გარდა ამისა, ტრადიციული თუშური ყველის ფესტივალზე შედგება შეხვედრა ქართულ ტურ–ოპერატორებთან და ადგილობრივ საოჯახო სასტუმროებთან, რაც ხელს შეუწყობს მხარეებს შორის სამომავლო თანამშრომლობას.

3.ანტიკური ხალიჩების ფესტივალი

თარიღი: 31 მაისი, 2010 წელი
ადგილმდებარეობა: ზემო ალვანი, თუშეთის რეგიონი

ანტიკური ხალიჩების ფესტივალს სხვანაირად ზეზვაობასაც ეძახიან. მას აღნიშნავენ ზემო ალვანში. აქ ბევრი სტუმარი მოდის ადგილობრივი ხელითნაკეთი პროდუქციის დასათვალიერებლად. მათ სურთ, საკუთარი თვალით იხილონ ანტიკური ხალიჩების დამზადების ტრადიციული მეთოდები, რომელსაც თუში ქალბატონები იყენებენ.

ზემო ალვანის ცენტრში სტუმრებს საზეიმოდ ეგებებიან შავ ჩოხაში ჩაცმული თუში ვაჟკაცები. სიმღერები ეძღვნება თუშ გმირ ზეზვას, რომელმაც რეგიონი მტრებისგან იხსნა. ანტიკური ხალიჩების გამოფენის შემდეგ იმართება დოღი და შეჯიბრება ისრის სროლაში.

4. ვარძიის სათავგადასავლო ტურნირი

თარიღი: 5–6 ივნისი, 2010 წელი
ადგილმდებარეობა: ვარძია, სამცხე–ჯავახეთის რეგიონი

ვარძიის სათავგადასავლო ტურნირი საქართველოში უკვე მეორედ იმართება. იგი პირველად შარშან ჩატარდა. თითოეული მონაწილე გუნდი შედგება 6 კაცისგან და ერთმანეს ეპაექრება სირბილში, ველორბოლასა და ჯომარდობაში.

როგორც შარშან, ისე წელსაც, ტურნირის ორგანიზატორი გახლავთ საქართველოს ტურიზმის ასოციაცია. მონაწილეები შეჯიბრისათვის წინასწარ რეგისტრირდებიან. ვარძიის სამონასტრო კომპლექსის მიმდებარე ტერიტორია სავსეა მაყურებლებით, რომლებიც შეჯიბრს დიდი აზარტით ადევნებენ თვალს.