სათავგადასავლო კლუბი "ჯომარდი"

ა.წ. 2 მაისს გაიმართა ველორბოლა გუდაური–თბილისის 110 კილომეტრიან მონაკვეთზე. ველორბოლას წინ მიუძღოდა ასოციაცია ველო–ლიგის პრეზიდენტი და ცნობილი ქართველი ველომრბოლელი ჯუმბერ ლეჟავა. ღონისძიება გაიმართა საქართველოს ტურიზმისა და კურორტების დეპარტამენტის გენერალური სპონსორობით, პარტნიორები იყვნენ სპორტული მაღაზია „მაგელანი“ და სასტუმრო „გუდაური“.

ველორბოლა მიეძღვნა სათხილამურო სეზონის დახურვას და ზაფხულის სეზონის გახსნას. მასში 60–მა ადამიანმა მიიღო მონაწილეობა. მონაწილეები დილის 7–ის ნახევარზე შეიკრიბნენ თბილისში სპორტის სასახლესთან და მიკროავტობუსებით გაემგზავრნენ გუდაურში. ღონისძიება საზეიმოდ გაიხსნა 10 საათზე მისასალმებელი სიტყვით. რბოლას მეთვალყურეობას უწევდა საქართველოს ტურიზმის ასოციაციის და სპორტული მღაზია „მაგელანის“ ტექნიკური პერსონალი, პოლიციისა და სასწრაფო დახმარების მანქანები.

ველორბოლა დაგეგმილი პროგრამის მიხედვით წარიმართა – მონაწილეებმა გზად რამდენჯერმე შეისვენეს და ზუსტად 7 საათზე შემოვიდნენ თბილისში თავისუფლების მოედანზე, სადაც მათ გულშემატკივრები ელოდნენ.

ამგვარი სულისკვეთებით ჩატარებული ღონისძიებები ხელს უწყობს ჯანსაღი ცხოვრების წესის დანერგვას და რეგიონის პოპულარიზაციას.

ია კვერღელიძე, სათავგადასავლო კლუბი „ჯომარდი“