Your description goes here

2011 წლის 27 ოქტომბერს სათავგადასავლო კლუბი „ჯომარდი“ გრ. რობაქიძის სახელობის უნივერსიტეტმა პრეზენტაციაზე მიიწვია. პრეზენტაცის ესწრებოდნენ უნივერსიტეტის პარტნიორები და წარმატებული კურსდამთავრებულები. სათავგადასავლო კლუბ „ჯომარდსა“ და გრ. რობაქიძის სახელობის უნივერსიტეტს შორის გაფორმებულია ურთიერთთანამშრომლობის მემორანდუმი, რომლის ფარგლებშიც უნივერსიტეტის სტუდენტებს შეუძლიათ სათავგადასავლო კლუბ „ჯომარდში“ პრაქტიკის გავლა.

2011 წლის მაისში Gunyah–სა და სათავგადასვლო კლუბ „ჯომარდს“ შორის პარტნიორობის ხელშეკრულება გაფორმდა. Gunyah თავის მომხმარებლებს სთავაზობს სხვადასხვა ტურისტულ პაკეტებს, ხელს უწყობს მდგრადი ტურიზმის განვითარებას და საშუალებას აძლევს  მოგზაურებს უკეთ გაეცნონ ადგილობრივ კულტურას. 2011 წლის ოქტომბრიდან ტურისტებს საშუალება აქვთ დაჯავშნონ ტურები საქართველოში Gunyah-ს ვებ-გვერდის მეშვეობით.

2011 წლის 13 სექტემბერს მესტიაში რამდენიმე ახალი ობიექტის პრეზენტაციის ოფიციალური ცერემონია და სპორტული ღონისძიებები მოეწყო. სპორტული სამთო ველორბოლის ერთ-ერთი ორგანიზატორი იყო სათავგადასავლო კლუბი „ჯომარდი’’, რომელმაც „Cross country’’ მარათონთან ერთად შიდა შეჯიბრიც გამართა.